امرود ایک ایسا پھل ہے جو خون میں بلڈ شوگر لیول کے اضافے کا سبب نہیں بنتا بلکہ خون میں موجود بلڈ شوگر لیول کو کنٹرول میں رکھتا ہے ۔ اس لئے امرود ہمارے وزن کو بڑھنے بھی نہیں دیتا ۔ ایک سے دو امرود روزانہ کھانے سے بڑھا ہوا وزن بھی کم کیا جا سکتا ہے ۔
امرود میں فائبر کی وافر مقدار موجود ہوتی ہے ۔ فائبر کی وافر مقدار جسم میں وزن کو کم کرنے کے لئے بہترین ہے کیوں کہ فائبر کا زیادہ سے زیادہ استعمال جسم کی اضافی چربی کو پگھلا تا ہے اور وزن کو کم کرتا ہے ۔ امرود کھانے سے کافی دیر تک پیٹ بھرا ہوا محسوس ہوتا ہے اور اس سے ہمیں بھوک کا احساس بھی نہیں ہوتا ۔
اگر آپ ایک امرود روزانہ کھائیں گے تو کافی دیر تک آپ کا کچھ بھی اور کھانے کا دل نہیں کرے گا کیوں کہ یہ بھوک کا احساس ختم کرتا ہے ۔ اس طرح وزن بھڑھانے والی چیزوں سے دور رہنا ممکن ہوتا ہے اور وزن کم کرنا بھی بہت آسان ہو جاتا ہے ۔
ایک سے دو امرود کھانے سے آپ خود کو طاقتور اورصحت مند محسوس کریں گے ۔ امرود کا استعمال نظام ہاضمہ کو مضبوط رکھنے کے لئے فائدہ مند ہے ۔ امرود میں موجود فائبر کی وافر مقدار نظام ہاضمہ کو بہتر کرتی ہے ۔امرود ایسا پھل ہے جو کہ غذائیت سے بھرپور ہوتا ہے ۔ امرود میں وافر مقدار میں پروٹین،فائبر ، وٹامنز اور منرلز پائے جاتے ہیں۔ جو اس کو ایک صحت بخش اور غزائی اجزاء سے بھرپور پھل بناتے ہیں۔
بھارتی طبی ماہرین کا کہنا ہے کہ امرود ہارمونز کو متوازن رکھنے کے لئے بہت بہترین پھل ہے جب کہ شوگر سے متاثرہ افراد بھی اس پھل کو بے فکر ہو کر استعمال کر سکتے ہیں ۔ جو لوگ وزن کم کرنے کے خواہش مند ہیں وہ بھی اس پھل کو بے خوف ہو کر استعمال کر سکتے ہیں۔
